Ankarada yeni həbs dalğası

Türkiyənin paytaxtı Ankara şəhərində "kosmik otaq" əməliyyatına 23 nəfər saxlanılıb

Ölkə.Az xəbər verir ki, keçirilən əməliyyatda Baş qərargah rəisinin keçmiş ədliyyə müşaviri Muharrem Köse 1 nömrəli şübhəli şəxsdir.

Polkovnik Muharrem Köse hərbi çevrilişi planlayan şəxslərdən biri hesab edilir. Köse 15 iyuldan sonra məhkəmə qərarı ilə həbs edilmişdi.

2009-cu ildə baş nazirin keçmiş müavini Bülent Arınca qarşı planlaşdırılan sui-qəsd iddiasından sonra başlayan istintaq çərçivəsində Baş Gərargah İdarəsinə bağlı Səfərbərlik Tədqiq Kabinetində axtarışlar aparılmışdı. "Kosmik otaq" kimi bilinən otaqda aparılan axtarışlar zamanı dövlət sirri xarakterli bir çox bilgi və sənəd ələ keçirilmişdi. Bunun FETÖ tələsi olduğu ortaya çıxdıqdan sonra, Mütəşəkkil Cinayətlərlə Mübarizə Şöbəsi bu səhər əməliyyat başlatdı.

Hikmət
Ölkə.Az