Ərdoğan "erməni soyqırımı"na həsr edilmiş konsertə dəvət edildi

Drezden simfonik orkestri Türkiyə prezidentini "erməni soyqırımı"na həsr edilmiş konsertə dəvət edib.

Ölkə.Az xəbər verir ki, ölkənin baş naziri Binəli Yıldırım, xarici işlər naziri Mövlüd Çavuşoğlu, mədəniyyət və turizm naziri Nəbi Avcı da tədbirə dəvət edilib.

Tədbir noyabr ayının 13-ü Almaniyanın İstanbulda fəaliyyət göstərən baş konsulluğunda keçiriləcək. Mərasimdə erməni-türk-alman dostluq cəmiyyətinin təməli qoyulacaq.

Yüksək çinli qonaqlara noyabr ayının 5-nə qədər tədbirdə iştiraklarını təsdiq etmək təklif edilib. Almaniya Xarici İşlər Nazirliyi tədbirlə bağlı şərh verməkdən imtina edib.

Hikmət
Ölkə.Az