"Əsəd rejimi İŞİD və PYD ilə birlikdə hərəkət edir"
Bunu Suriya Azadlıq Ordusunun səhra komandiri Abu Ramadan deyib.
Ölkə.Az xəbər verir ki, Abu Ramadan İŞİD və PYD-nin fəaliyyətinin tam olaraq Əsəd rejimini qorumaq üzərində qurulduğunu bildirib.
"İŞİD və PYD terrorçuları Əsəd rejiminin devrilməməsi üçün çalışırlar. 4 il əvvəl Əsəd anladı ki, öz gücü ilə Suriya müxalifətinə qələbə çala bilməyəcək və tez bir zamanda devriləcək, onda İŞİD və PYD-ni köməyə çağırdı. İndi Suriya Azadlıq Ordusu Əsəd rejimi ilə, İŞİD və PYD isə Suriya Azadlıq Ordusuna qarşı vuruşur. Deməli hər iki terror qruplaşması Əsədlə əlbirdirlər və birgə fəaliyyət göstərirlər", - deyə səhra komandiri vurğulayıb.
