Braziliyanın prezidenti məlum oldu

Dilma Russef yenidən Braziliyanın prezidenti seçilib.

Ölkə.Az Reuters agentliyinə istinadən xəbər verir ki, Braziliyanın prezident seşkilərinin ikinci turunda qələbəni hazırki prezident Dilma Russef qazanıb. Braziliya Ali Seçki Tribunalının (MSK) məlumatına görə, bülletenlərin 99 faizinin hesablanmasından sonra Dilma Russef səslərin 51,54 faizini qazanıb. Onun rəqibi sosial-demokratların nümayəndəsi, keçmiş senator Aesiu Nevis 48,46 faiz səs toplayıb.

Seçkilərin birinci turu oktyabırın 5-də baş verib. Əməkçilər Partiyasını təmsil edən Russef səsin 41,59, Nevis isə 33,55 faizini toplayıblar.
Braziliya konstitusiyasına əsasən, Russef daha dörd il ərzində vəzifədə qalacaq.

Braziliya üzləşdiyi iqtisadi problemlərə baxmayaraq, dövlət rəhbəri və onun tərəfdarları seçki öncəsi kampaniyanı uğurla həyata keçirməyə müvəffəq olublar.

Çinarə Vahabzadə

Ölkə.Az