İslandiya qaynar quyu qazır

İslandiya dünyada ən dərin və qaynar quyunu qazır.

Ölkə.Az xəbər verir ki bu qazma işlərində məqsəd maqma enerjisinə sahib olmaqdır. Qazıntı işləri nəticəsində geotermal stansiya inşa ediləcək.

Ölkədə istifadə edilən elektrik enerjisinin 75%-i su elektrik stansiyalarında istehsal edilir. İkinci yerdə geotermal enerji stansiyalarıdır.

Ada aktiv vulkanik rayonda yerləşdiyi üçün İslandiyada hidrotermal bulaqlar çoxdur. Onların enerjisindən hidrotermal stansiyalarda istifadə edirlər.

Məsələn, Hedlisheydi stansiyasında 50 quyu var. Bu quyular Henqidl vulkanının ətrafında qazılıb. Yeraltı isti sulardan İslandiyada binaların isidilməsi üçün də istifadə edilir.

İlin sonuna qədər yeni qazılan quyunun dərinliyi 5 km-ə çatacaq. Bu dərinlikdə təzyiq 200 atmosfer olacaq və layihə üçün əlavə çətinlik yaranacaq.

Yeni quyu 50 Meqavat gücündə enerji verəcək. Bu enerji ilə 50 min evi elektriklə təmin etmək olar.

Hikmət
Ölkə.Az