Yəməndə partlayış: 20 ölü

Yəməndə partlayışın nəticəsində 20 nəfər dünyasını dəyişib.

Ölkə.Az Reuters agentliyinə istinadən xəbər verir ki, avtomobildə olan kamikadze əl-Manas rayonunda husitləri atəşə tutub, nəticədə 20 nəfər həlak olub. Yəmənin mərkəzində baş vermiş partlayış nəticəsində 20 nəfər şiə (husit) dünyasını dəyişib. Yerli tayfaların verdiyi məlumata əsasən, partlayış bazar günü axşam saatlarında baş verib. Hal-hazırda husitlər Yəmənin qərbində bir sıra bölgələrə nəzarət edirlər. Buna baxmayaraq, Yəmənin paytaxtında vəziyyət gərgin olaraq qalır.

Yəməndə 2011-ci ildə hakimiyyətin dəyişməsinə baxmayaraq, vəziyyət qeyri-stabildir. Ölkənin cənubunda isə "Əl-Qaidə" terror qruplaşmasının əməliyyatları davam edir. Terrorçulara qarşı əməliyyatlarda yüzlərlə könüllü döyüşçülər iştirak edir.

Rəşid Mustafazadə

Ölkə.Az