Çinlilər Rusiyada sayca ikinci xalq olacaq
Rusiya Elmlər Akademiyasının Miqrasiya proseslərinin araşdırılması mərkəzinin mütəxəssisləri illik hesabatlarını dərc ediblər.
Ölkə.Az xəbər verir ki, Rusiyanın Stavropol şəhərində keçirilən "Miqrasiya prosesləri" adlı beynəlxalq konfransda çıxış edən Mərkəzin elmi direktoru Janna Zayonçkovskaya bildirib ki, 2050-ci ilə qədər Rusiyada çinlilərin sayı bu sürətlə artarsa, onda onlar ölkənin sayca ikinci xalqına çevrilə bilərlər.
"Əgər Çinlə bugünkü sıx əlaqələrimiz davam edərsə, onda növbəti 30 il ərzində çinlilər Rusiya əhalisinin böyük bir hissəsini təşkil edərək sayca ikinci xalq statusu qazanacaqlar",- deyə rusiyalı alim bildirib.
