İŞİD Kobanidən çıxarıldı

Kürd özünümüdafiə qüvvələri Türkiyə-Suriya sərhədində İŞİD döyüşçülərini vurdular

Ölkə.Az TASS agentliyinə istinad edərək xəbər verir ki, kürdlər şənbə günü əks-hücuma keçərək bir sıra strateji əhəmiyyətli zirvələri nəzarətə alıblar. Kürd özünümüdafiə qüvvələri bazar günü İŞİD qüvvələrini Kobani şəhərindən çıxarmağa müvəffəq olublar.

"Əl-Mayadin" telakanalının yaydığı məlumata görə, mücahidlər Kobani şəhərindən 6 km aralıda yerləşirlər. Bildirilir ki, İŞİD döyüşçülərinin şimalda, Türkiyə ilə sərhəddə mövqelərini möhkəmləndirmə cəhdləri uğursuz başa çatıb.

Kürdlərin özünümüdafiə qüvvələri şənbə günü terrorçuların şəhərə atəş açdıqları Tell-əş-Şaer, Beşta-en-Nur və El-İzaa zirvələrini ələ keçirərək xeyli irəliləyiblər. Şahidlərin sözlərinə görə, Kobanidən şimal-şərqdə yerləşən Suk-əl-Hal bölgəsində gedən qızğın döyüşlərin nəticəsində 50 nədər İŞİD-çi öldürülüb, onlarla döyüşçü isə əsir götürülüb.

Rəşid Mustafazadə

Ölkə.Az