İtaliyada yer yerindən oynadı

Mərkəzi İtaliyada 10 saat ərzində 60-dan çox yeraltı təkan qeydə alınıb.

Ölkə.Az xəbər verir ki, yeraltı təkanlar 5.9, 5.4 və 4.6 bal gücündə olub.

Zəlzələnin episentri Marka və Umbriya əyalətlərində qeydə alınıb. Təkanlar Roma şəhərində və ölkənin Trentino, Alto, Adice və Friuli, Venesiya və Culiya kimi şimal əyalətlərində də hiss edilib.

Fabrianoda zəlzələ zamanı uçan ev 8 nəfərin ağır xəsarət almasına səbəb olub. Kampidə isə 14-cü əsrə aid kilsənin bir hissəsi uçub. Romada xarici işlər nazirliyinin binası təxliyə edilib. Tolentino, Matelika, Çinqoli şəhərlərində şəhər xəstəxanaları təxliyə edilib. Kamerino həbsxanasının dustaqları Romadakı Rebibbya şəhər həbsxanasına köçürülüb. Bir çox şəhərlərdə məktəblər bağlanıb.

Hikmət
Ölkə.Az