Ərdoğan Obamaya: "Türk ordusunun diqqəti Rakkaya yönəlib"
Türkiyə prezidenti Ərdoğan Obama ilə telefon danışığı zamanı Suriya və İraq problemlərini müzakirə edib.
Ölkə.Az xəbər verir ki, Ərdoğan Obamaya türk ordusunun həyata keçirdiyi "Fərat qalxanı" əməliyyatı barədə ətraflı məlumat verib.
Danışıq zamanı Ərdoğan Obamaya bildirib ki, əməliyyatlar əvvəlcədən planlaşdırılmış bölgədən İŞİD və PYD terrorçuları təmizlənənə qədər davam edəcək.
Daha sonra Mosul əməliyyatından danışan Türkiyə prezidenti türk ordusunun artıq diqqətini Rakkaya yönəltdiyini bəyan edib.
Xatırladırıq ki, Türkiyə hökuməti ABŞ-ın İraq və Suriyada həyata keçirdiyi əməliyyatlarda Ankaranın iştirakına mane olduğuna görə Vaşinqtonun bölgədəki bütün fəaliyyətlərinin ziddinə hərəkət etməyə başlayıb. Türkiyə hakimiyyəti birmənalı olaraq İraq və Suriyanın taleyinin Ankaranın iştirakı olmadan həll edilməsinin əleyhinədir və bu istiqamətdə türk ordusunn istənilən tapşırığı yerinə yetirəcək gücdə olduğunu bütün dünyaya bəyan edib.
