Yaponiya Kuril adalarına görə Rusiya ilə sülh müqaviləsi imzalayacaq
Yaponiyanın nazirlər kabineti baş katibinin müavini Koiti Xaqiuda bəyan edib ki, təmsil etdiyi dövlət Kuril adaları mövzusunun həllinə tərəfdardır.
Ölkə.Az xəbər verir ki, Yaponiya Kuril adaları mövzusunda ərazi mübahisəsinə görə Rusiya ilə sülh müqaviləsi imzalamaq niyyətindədir.
Xaqiuda eyni zamanda qeyd edib ki, rəsmi Tokio Moskva ilə danışıqları davam edəcək. Son zamanlar Yaponiya baş naziri Sindzo Abe və Rusiya prezidenti Putin arasında münasibətlər istiləşməyə doğru gedir.
Abe və Putin anlayır ki, 70 ildən çoxdur davam edən ərazi mübahisəsi məsələsində sülh müqaviləsinin imzalanmaması normal hal deyil. Yapon tərəfi 4 adanın taleyinə dair danşıqlara davam etməyi və sülh müqaviləsi imzalamağı üstün tutur.
Hikmət
Ölkə.Az
