İngiltərə şahzadəsi Harri serial aktrisası ilə görüşür

Britaniyalı şahzadə Harri "Fors-major" serialının ulduzu aktrisa Meqan Markl ilə görüşür.

Ölkə.Az xəbər verir ki, şahzadə aktrisaya əməlli-başlı aşiq olub.

Harri son illərə qədər belə xoşbəxt olmamışdı. Meqan şahzadənin həyatında durğunluq olduğu dövrdə peyda olub.

Qərb mətbuatının yazdığına görə, Harri və Meqan tez-tez görüşür və birlikdə vaxt keçirirlər. Amma şahzadə münasibətləri gizli saxlamaq niyyətindədir.

Harri may ayında Toronto şəhərində "İnvictus Games" layihəsi çərçivəsində iştirak edərkən aktrisa ilə tanış olub. Elə bu şəhərdə "Fors-major" serialının çəkilişləri gedirmiş.
Markl bu xəbəri nə təsdiq, nə də təkzib edib. Kensinqton sarayından isə şahzadənin şəxsi həyatının müzakirə edilmədiyi bildirilib.

Hikmət
Ölkə.Az