PKK Sincarda yezidi kürdlər üçün məktəb açdı

PKK terror təşkilatı Mosulun Sincar rayonunda məktəb açıb.

Ölkə.Az xəbər verir ki, yezidi kürdlərin uşaqları üçün nəzərdə tutulmuş məktəbdə hərbi və siyasi dərslər tədris ediləcək. Türkiyə prezidenti Ərdoğan isə "Sincar yeni bir Qəndil olacaq, biz buna icazə verə bilmərik" demişdi.

Sincar rəsmiləri isə hadisəni şiddətlə qınayıb: "PKK-nın hərbi varlığına icazə verilməyən bir vaxtda təşkilatın məktəb açmasına icazə verməyəcəyik. Terrorçuların bölgəmizdə məktəb açmasını şiddətlə qınayırıq".

Sincar dövlət nümayəndəsi Halil bildirib ki, açılan məktəblər əslində terrorçu yetişdirmək məqsədi güdür. Bu ərazidə İraq Kürdüstan hökuməti və İraq mərkəzi hökumətindən başqa heç kəs məktəb aça bilməz. Bu təhsil ocaqlarının mərkəzi bölgədə çaxnaşma salmaqdır.

PKK-nın bu məktəbləri xalq arasında da etirazla qarşılanıb. Halil eyni zamanda qeyd edib ki, rəsmilər Sincardakı uşaqların gələcəyinin məhv edilməsinə göz yummayacaqlar. Ailələrə isə bildirilib ki, övladlarını bu məktəblərə yaxın buraxmasınlar.

Hikmət
Ölkə.Az