Suriyada bomba çuxurları uşaqların oyun meydançasına çevrildi

Suriyanın Hələb şəhərində yerli uşaqlar rus bombardmanı nəticəsində yaranan çuxurlarda oynayırlar.

Ölkə.Az xəbər verir ki, suriyalı uşaqlar su toplanan bomba çuxurlarından hovuz kimi istifadə edirlər.

Hələb şəhərinin Karm Hamud səmtində rus bombardmanı nəticəsində 5-7 metr dərinliyi olan çuxurlar yaranıb.

Bombardman nəticəsində partlayan su borularından sızan su, çuxurları doldurub. Bu çuxurlar artıq uşaqların əyləncə məkanına çevrilib.

Bombardman nəticəsində su qovşaqlarının zədələnməsi səbəbindən əhali susuz qalıb. Bu səbəbdən çuxurlara dolan sudan istifadə etmək məcburiyyətində qalıblar.

Hikmət
Ölkə.Az