PKK Kərkükdə türkmənləri bir-bir qətlə yetirir

Türk dünyası tərəkəmə türkmən birliyinin sədri İrfan Tatlıoğlu bildirib ki, PKK terrorçuları Kərkükdə türkmənləri bir-bir qətlə yetirir.

Ölkə.Az xəbər verir ki, Türk dünyası türkmən birliyi dünyanın diqqətini Mosul və Kərkükdə türkmənlərin və digər xalqların yaşadığı zülmə çəkmək üçün 17 vilayətdə imza kampaniyasına başlayıb.

Sümbüllüdə baş tutan mətbuat konfransında çıxış edən İrfan Tatlıoğlu qeyd edib ki, bu gün Orta Şərqdə tarixi təkrarlatmaq üçün yeni bir səlib yürüşü başlayıb. Bölgənin demokratik quruluşu və ölkənin sərhədlərini dəyişdirməyə çalışırlar. Bütün xarici qüvvələr və onların havadarlarının hədəfi bölgənin türk xalqıdır. Suriya və İraq kimi dövlətlərdə həyata keçirilən layihələrdən Kərkük, Mosul və Bayır Bucak türkmənləri və digər xalqlar daha çox ziyana uğrayıb.

Hələbdə 500 min türkmənin yaşadığını vurğulayan Tatlıoğlu: "Əhalinin əksəriyyəti türkmənlərdir. Türkmənləri qırıb, onları yox etmək istəyirlər. O bölgədə neft üçün nə qədər insanın məhv olması Qərbin vecinə də deyil. Onlar üçün ölənin müsəlman və xristian olması heç bir əhəmiyyət kəsb etmir.

Əsas olan ərazinin neft yataqlarıdır. Hələb 2 min ildir ki, türklərin vətənidir. Ankara, Bursa, İstanbul kimi şəhərlərdə türklər kütləvi yaşamadığı vaxtda da Hələbdə türklər məskunlaşmışdı. Bu gün isə Hələb artıq türklərin deyil mesajını verirlər".

Kərkük, Mosul, Telafer və Çobanbəydə insanlar türk görəndə sevinirlər. Əsgərlər peşmərgə silahlıları ilə birlikdə savaşır. Amma Kərkükə peşmərgə qüvvələri ilə yanaşı PKK terrorçuları da daxil olub. PKK-çılar türkmənlərə qarşı qətliam həyata keçirir.

Hikmət
Ölkə.Az