Hulusi Akar Rusiyaya səfər edib

Türkiyə ordusunun baş qərargah rəisi ordu generalı Hulusi Akar Rusiyalı həmkarının dəvəti ilə bu ölkəyə səfər edib.

Ölkə.Az xəbər verir ki, Suriyada planlaşdırılan əməliyyatlar öncəsi Akarın bu səfəri diqqət çəkib.

Hulusi Akar Rusiya ordu baş qərargah rəisi ordu generalı Gerasimovla görüşdə hərbi əməkdaşlıq və bölgəsəl mövzuları dəyərləndirəcək. Görüş zamanı Suriya məsələsinə xüsusilə yer ayrılacağı bildirilib.

Türkiyəli general 14 oktyabr tarixində ABŞ-a səfər etmişdi. Bu səfərdən 3 gün sonra Mosul əməliyyatı başlamışdı.

Rusiyalı ordu generalı Valeri Gerasimov isə sentyabr ayında Ankaradda Hulusi Akar ilə görüşmüşdü.

Hikmət
Ölkə.Az