Çinin radarlara yaxalanmayan "kabus təyyarəsi"

Çin dövləti radarlara yaxalanmayan hərbi təyyarəni beynəlxalq aviasiya və kosmik sərgidə nümayiş etdirib.

Ölkə.Az xəbər verir ki, J-20 hərbi təyyarələrinin 5-ci nəsli Quanqdonq əyalətinin Cuhay şəhərində keçirilən beynəlxalq aviasiya və kosmik sərgidə nümayiş etdirilib. Yaxın illərdə Çin hərbi hava qüvvələrinin balansına daxil edilməsi planlaşdırılan təyyarələr qısa və uzun mənzilli bombalar da daşıya bilər.

Sərgidə 42 dövlətin nümayəndəsi iştirak edir.

Qeyd edək ki, ABŞ-ın F-22, Rusiyanın T-50 təyyarələri də radara yaxalanmayan hərbi təyyarələrdən sayılır.

Hikmət
Ölkə.Az