Türkiyədən İraqa sərt cavab: "Qoçuluq etmə"

Türkiyənin xarici işlər naziri Mevlüt Çavuşoğlu sərhəddə türk əsgərini hədələyən İraq prezidenti İbadiyə sərt cavab verib.

Ölkə.Az xəbər verir ki, dünən İraq prezidenti Türkiyə ilə müharibəyə hazır olduğunu bildirib.

Onun sözlərinə görə, Türkiyənin keçirdiyi hərbi əməliyyatlar İraqın ərazi bütövlüyünü təhdid edərsə, hər an müharibə başlaya bilər. Onun bu sözləri Türkiyədə sərt reaksiyalara səbəb olub.

Xarici işlər naziri məsələyə belə münasibət bildirib: "Terrorla mübarizə aparmırsan, amma qoçuluq etməyə cəhd edirsən. Biz sərhədimizdəki təhlükəsizliyi özümüz təmin edərik. Bunlar boş şeylərdir".

Çavuşoğlu bildirib ki, Türkiyənin dostluq mesajlarına rəğmən, İbadi qızışdırıcı mövqe sərgiləyib: "Biz ona cavab verəndə isə, dost dövlətlərə və bizim göndərdiyimiz insanlara deyirlər ki, İraq onsuz da çətin vəziyyətdədir. Bizim dövləti çətin vəziyyətə salacaq açıqlamalar verməyin. İŞİD bizim sərhəddimizə qədər gəlir, bundan başqa sərhəddin o tərəfində 2 min PKK-lı hərbçi var. Bunlara niyə sərt reaksiya göstərmirsən? Biz Suriya və İraqdan gələn təhdidlərin qarşısını almaq məcburiyyətindəyik".

Hikmət
Ölkə.Az