Mosulda qum fırtınası savaşı dayandırdı

Mosulda ən ağır hərbi əməliyyatların aparıldığı ərazidə ortaya çıxan qum fırtınası qabağına keçən hər şeyi dağıdıb.

Ölkə.Az xəbər verir ki, bu gün İraq ordusu Gökçeli məhəlləsindəki hücumlarını dayandırmaq məcburiyyətində qalıb.

Bu barədə xəbər verən general Haydar Fadıl qum fırtınası səbəbindən irəliləyə bilmədiklərini, əsgərlərin olduqları mövqedə qaldıqlarını bildirib.

Fırtına səbəbindən ərazidə hərbi qırıcılar və pilotsuz təyyarələrin uçuşu dayandırılıb.

İraq dövlət televiziyası isə, cənub cəbhəsində Hammam Ali nahiyəsində Qahirə kəndinin İŞİD yaraqlılarından təmizləndiyini bildirib. Mosulun mərkəzinə 30 kilometrlik məsafədə yerləşən kənddə eyni zamanda "Haşdi Şabi" silahlıları da var.

İraqın müdafiə nazirliyinin verdiyi xəbərə görə, dünənki hava hücumları nəticəsində 100-dən çox terrorçu qətlə yetirilib.

Hikmət
Ölkə.Az