Türkiyədə FETÖ əməliyyatında yeni həbs dalğası
Türkiyədə FETÖ əməliyyatları çərçivəsində yeni həbslər və istefalar başlayıb.
Ölkə.Az xəbər verir ki, keçirilən əməliyyatlar nəticəsində Daxili İşlər Nazirliyinin 1218 əsgəri işdən uzaqlaşdırılıb. Jandarma baş komandanlığından ixrac edilən əsgərlərin 419 nəfəri zabitdir.
Eyni zamanda, İstanbulda alimlərə qarşı da əməliyyat keçirilib. İstanbul Polis İdarəsinin Mütəşəkkil Cinayətkarlığa Qarşı Mübarizə Şöbəsinin əməkdaşları sübh saatlarında bir çox evə basqın təşkil edib. Bu basqınlar nəticəsində bir çox elm adamı həbs edilib.
Həbs edilənlər arasında Adil Öksüz ilə hərbi çevrilişi idarə edən Kemal Batmazın qardaşı, Erciyez Universitetinin işçisi professor doktor Şakir Batmaz da var. Şakir Batmazın bylock telefon sistemindən istifadə etdiyi məlum olub.
Hikmət
Ölkə.Az
