Türkiyədəki dəhşətli terrorda ölənlərin sayı artır

17:47

Türkiyədə Diyarbəkirdə baş verən bomba hücumunda ölənlərin sayı 9-a çatdı.

Bir az əvvəl baş nazir Binəli Yıdırım 8 nəfərin şəhid olduğunu, 100-dən çox sakinin isə yaralandığını bildirmişdi. Amma xəstəxanaya aparılan yaralılardan da birinin həyatını xilas etmək mümkün olmayıb. Bu səbəbdən Diyarbəkirdə təşkil edilən hücum nəticəsində həyatını itirənlərin sayı 9-a çatıb.

--------------------------------------------------------------------------------------

14:55

Baş nazir Binəli Yıldırım Diyarbəkirdə bu gün səhər saatlarında terrorçular tərəfindən Polis İdarəsi yaxınlığında partladılan bomba nəticəsində 8 nəfərin öldüyünü, 100 nəfərin isə yaralandığını bildirib.

Ölənlərdən 2-i polis, biri texniki işçidir. 5 nəfər mülki vətəndaş həlak olub.

Xəstəxanalara aparılan 100 nəfərdən 93-ü artıq evə buraxılıb. 7 nəfərin müalicəsi isə davam edir.

---------------------------------------------------------------------------------------

11.21

Diyarbəkirdə partlayış zamanı 1 nəfər vəfat edib, 50 nəfər isə yaralanıb. Partlayış 1 km-lik sahədə təsirli olub.

Valilikdən verilən xəbərə görə, maşına quraşdırılmış bomba əsasən mülki əhalinin və tələbələrin sıx olduğu Aydın Arslan bulvarında işə düşüb.

Polisin məlumatına görə, partlayışı PKK terror təşkilatı həyata keçirib.

Hazırda bölgədə geniş əməliyyat-axtarış tədbirləri həyata keçirilir.
-----------------------------------------------------------------------------------------

10.25

Türkiyənin Diyarbəkir vilayətində Bağlar ərazisində polis idarəsinə bombalı hücum həyata keçirilib.

Ölkə.Az xəbər verir ki, partlayışın gücü bütün şəhərdə hiss edilib. Əraziyə çoxsaylı təcili tibbi yardım maşınları cəlb edilib.

Verilən xəbərə görə, partlayışın dalğası çox güclü olub və hadisə şahidlərinin bildirdiyinə görə, yaxınlıqda yerləşən bəzi ev və binalar uçub.

İlkin məlumatlara görə hadisə zamanı 6 nəfər yaralanıb. Bombalı hücumdan sonra ərazidə atışma səsləri də eşidilib.

Hikmət
Ölkə.Az