Almaniya terrorçuları vətəndaşlıqdan çıxaracaq

Almaniya daxili işlər naziri Tomas de Mezyer yeni qanun layihəsi təklif edib.

Ölkə.Az xəbər verir ki, yeni layihəyə əsasən, terror qruplaşmalarının tərkibində digər dövlətlərdə vuruşan, iki pasport daşıyan vətəndaşlar Almaniya vətəndaşlığından çıxarılacaq.

Almaniya qanunlarına əsasən, digər ölkələrdə vətəndaşlığı olan sakinləri vətəndaşlıqdan çıxarmaq olar. Əks halda bu mümkün deyil.

Hal-hazırda Suriya və İraqda 870 Almaniya vətəndaşı terrorçu kimi fəaliyyət göstərir.

Mezyerin təklifi sosial-demokratlar partiyası tərəfindən tənqid edilib.

Hikmət
Ölkə.Az