İŞİD-in kənizi olan qız yaşadığı dəhşətli günləri anlatdı

İŞİD terror qruplaşmasının kəniz olaraq istifadə etdiyi qız yaşadığı qorxulu günlərdən danışıb

Ölkə.Az xəbər verir ki, İŞİD-in kəniz olaraq istifadə etdiyi və sonra sərbəst buraxdığı Zeynəb adlı qız zorlandığını söyləyib və yaşadığı qorxunc günləri anladıb: "Terrorçular bizi əvvəlcə Telaferdə, sonra Mosulda və Suriyanın Rakka şəhərində əsir saxlayıb. Sonra yenidən İraqa gətirildik. Burda məni Ebu Cafer adlı terrorçuya satdılar. Ebu Caferin arvadı isə, ərini əlindən alacağımı düşündüyü üçün məni tez-tez döyürdü".

Zeynəbin sözlərinə görə, İŞİD terrorçularının tərkibində olan qadınlar kişilərə nisbətən daha qəddardır: "Qadınlar kənizlərə və kənizlərin övladlarına qarşı vəhşilik edirlər. Üç uşaq terrorçular tərəfindən zəhərlənib. Qadınlar isə 2 yaşlı uşağı evin pəncərəsindən asıblar".

Zeynəb daha sonra Ebu Caferdən başqa bir terrorçuya satılıb. Psixoloji cəhətdən sarsılan qız digər terrorçular tərəfindən zorlanıb. Onun sözlərinə görə, zorlanan qızlardan bəzisi özünə qəsd edib.

Ebu Cafer Zeynəbi İŞİD-in Səudiyyə liderlərindən sayılan Ebu Ali El-Harbiyə 130 min dollara satır. O, ərəb dilini bildiyi, "Quran"ı əzbər oxuduğu və ev işlərini əla bacardığı üçün bu qiymətə satılıb.

Hikmət
Ölkə.Az