Türkiyədə PKK tərəfdarı siyasətçilərin həbsinə

Aİ səfirləri HDP üçün fövqəladə toplantı keçirəcək

Aİ xarici əlaqələr və təhlükəsizlik siyasəti ali təmsilçisi Federika Mogherini HDP-li millət vəkillərinin həbs edilməsindən narahat olduqlarını bildirib və səfirləri iclas keçirməyə səsləyib.

Ölkə.Az xəbər verir ki, Aİ səfirləri Ankarada iclas üçün bir araya gələcəklər. Tədbirin Avropa Komissiyası binasında keçirilməsi nəzərdə tutulub. İclasdan sonra səfirlərin HDP qrupunu ziyarət edib-etməyəcəyi bildirilmir.

Barzani bəyanat verdi

Şimali İraq Kürd muxtariyyatının başçısı Barzani də HDP-li millət vəkillərinin həbsindən narahat olduğunu bildirib.

O, tezliklə deputatların sərbəst buraxılacağına ümid etdiyini qeyd edib. Hadisənin problemi daha da dərinləşdirəcəyi və sabitliyə xidmət etmədiyi bildirilib.

İtaliyadan reaksiya

İtaliya xarici işlər naziri Paolo Gentiloni Türkiyədə kürd əsilli millət vəkillərinin həbs edilməsi xəbərinə reaksiya göstərib. Nazir məsələyə görə narahat olduğunu bildirib və Türkiyə dövlətini deputatların hüquqlarına hörmət etməyə səsləyib.

Hikmət
Ölkə.Az