ABŞ Rusiya ilə danışıqları davam etdirməkdən imtina etdi
ABŞ Dövlət Departamenti Rusiya ilə aparılan Suriya üzrə danışıqları davam etdirməkdən imtina edib.
Ölkə.Az xəbər verir ki, bu haqda Departamentin sözçücü Con Kirbi məlumat verib. O, Çinin Suriya məsələsi ətrafında ABŞ və Rusiya arasındakı danışıqları intensivləşdirmək təklifini şərh edərkən bu məsələyə toxunub.
"Biz Çin tərəfinə verdiyi təklifə görə minnətdarlığımızı ifadə edirik. Biz ruslarla Suriya böhranını həll etmək üçün bütün yolları yoxladıq. Amma təəssüflər olsun ki, Rusiya öz üzərinə düşən öhdəlikləri yerinə yetirməyə hazır deyil", deyə Kirbi bildirib.
