Ərdoğan Kılıçdaroğlunu məhkəməyə verdi
Türkiyə prezidenti Rəcəb Tayyib Ərdoğan və AK parti CHP sədri Kamal Kılıçdaroğlu ilə partiyanın Məclisinin üzvlərindən “prezidenti təhqir”ə görə məhkəməyə şikayət ərizəsi ilə müraciət edib.
AK partinin baş katibi Əbdülhəmid Gül Tvitterdə paylaşdığı açıqlamada bildirib ki, CHP Məclisi tərəfindən AKP-yə, prezidentə, millət və ölkəyə qarşı təhqir və yalanlardan ibarət bəyanatlar yayımlanır.
“CHP-nin bu cür bəyanatlarına qarşı AK parti olaraq Ankara Cumhuriyyət Baş Prokurorluğuna şikayət ərizəsi ilə müraciət etmişik. CHP terror təşkilatlarının yanında, cumhuriyyətin və xalqın qarşısında dayandıqca bu millətdən lazımi cavabı almağa davam edəcək”, -deyə o, söyləyib.
Qeyd edək ki, CHP noyabrın 6-da AKP və R. T. Ərdoğan əleyhinə bəyanat yayıb.
“FETÖ, PKK və İŞİD terror təşkilatlarına maliyyə yardımı göstərən Saray.. və AKP rəhbərləri, demokratiya və ölkəmizin əbədiliyinə qarşı ən böyük təhdiddir”, - bəyanatda vurğulanıb. (Qafqazinfo)
