Rusiya gəmiləri Hələbə raket zərbəsi endirəcək
Rusiyanın Müdafiə nazirliyindəki mənbədən KİV-lərə sızan məlumata görə, Aralıq dənizindəki rus gəmiləri Hələbə raket zərbəsinə hazırlaşırlar.
Ölkə.Az xəbər verir ki, başda təyyarədaşıyan "Admiral Kuzneçov" gəmisi olmaqla Aralıq dənizindəki rus armadası Hələbə zərbələr endirməyə hazırlaşır.
Böyük bir hissəsinin müxaliflərin nəzarətində olan Hələb Suriyanın ən strateji bölgələrindən biri hesab olunur.
Hərbi ekspertlərin fikrincə, əgər Hələb Əsədin nəzarətinə keçərsə, Suriya hakimiyyəti daxili müharibədə öz xeyrinə böyük dönüş yaradacaq və bundan sonra digər bölgələrdə nəzarəti ələ keçirmək Suriya ordusu üçün çox asan olacaq.
