Klinton aradakı fərqi azaltmaqda davam edir: 47,2% - 48,2%
ABŞ-da bülletenlərin sayımı prosesi davam edir.
Ölkə.Az xəbər verir ki, hələlik irəlidə gedən respublikaçı Donald Trampla keçmiş dövlət katibi, demokrat Hillari Klinton arasındakı fərq azalmaqdadır.
Bu gün səhər öz "Twitter" hesabında seçki qəragahının üzvlərinə təşəkkür edən Klinton onlarla fəxr etdiyini bildirib.
"Bu komanda ilə fəxr edirəm. Seçkilərin nəticələrindən asılı olmayaraq sizin hər birinizə təşəkkür edirəm", - deyə Klinton yazıb.
Qeyd edək ki, son məlumatlarta görə, İllinoys, Nyu-Cersi, Virciniya və Nevada ştatlarında qələbə qazanan Klinton fərqi 1%-ə qədər azalda bilib.
Hazırda sayılan səslərin 47,2%-i Klinton, 48,2%-ni isə Tramp qazanıb. Digər ştatlardakı səslərin sayılması prosesi davam edir.
