Afrikada 23 milyon insan acından ölə bilər

BMT Şərqi Afrikada quraqlıq və yağışkar mövsümündə baş verən iqlim dəyişikliyi səbəbindən 23.4 milyon insanın təcili surətdə qidaya ehtiyac duyduğunu bildirib.

Ölkə.Az xəbər verir ki, BMT-nin hazırladığı raporta əsasən Şərqi Afrikada "El Nino" təbiət hadisəsinin səbəb olduğu quraqlıq davam etdiyi üçün iqtisadi böhran, köç səbəbindən insanlara təcili qida yardımı etmək lazımdır.

Cənubi Sudan, Sudan, Efiopiya, Eritre, Somali və Keniyanın bəzi ərazilərində yeni quraqlıq dalğası gözlənildiyindən təcili qida yardımı həyata keçirilməlidir.

Adıçəkilən ərazilərdə içməli su qıtlığı da böyük problemə çevrilib. Sudanda 1.1 milyon insana ərzaq tədarükü görülməlidir.

Uqandada quraqlıq səbəbindən məhsul yığımı 30 % azalıb. Bu isə aclığa səbəb ola bilər. Keniyada isə 1.5 milyon insan quraqlıq səbəbindən aclıqdan əziyyət çəkir.

Hikmət
Ölkə.Az