Tramp əleyhinə nümayişlərdə atəş açılıb
ABŞ-ın yeni seçilmiş prezidenti Donald Trampa qarşı etirazlar ölkə miqyasında davam edir.
Ölkənin qərbində yerləşən Oreqon ştatının Portland şəhərində nümayişlər zamanı atəş açılıb.
Polisinin məlumatına görə, naməlum şəxs silahla etirazçıya atəş açıb. Hadisənin mübahisə zəminində baş verdiyi ehtimal edilir. Yaralanan etirazçı xəstəxanaya yerləşdirilib.
Ətrafdakı iş yerlərinin və avtomobillərin şüşələrini qıran, məişət tullantılarını yandıran və nəqliyyatın hərəkətinə mane olan etirazçılara polis bibər qazı ilə müdaxilə edib.
