Vanqa ABŞ prezidentləri haqda nə deyib?
Əsl adı Vangeliya Pandeva olan Vanqa 1911-ci ilin 31 yanvar tarixində Makedoniyanın Strumitza kəndində anadan olub. İkinci dünya müharibəsi zamanı nasist lideri Adolf Hitler onu ziyarət edib. SSRİ dövlət təhlükəsizlik komitəsinin əməkdaşları Vanqadan məsləhətlər alıblar. Qadın 1996-cı ildə 84 yaşında dünyasını dəyişib.
Ölkə.Az xəbər verir ki, Balkanların Nostradamusu adlandırılan Vanqa ABŞ-da Donald Tramp prezident seçildikdən sonra yenidən gündəmə gəlib. Belə ki, Vanqa "ABŞ-ın 44-cü prezidenti qaradərili seçiləcək və o, ABŞ-ın sonuncu prezidenti olacaq" demişdi. Bəzi mətbuat orqanları seçkilərdən sonra ABŞ-da baş verən qarışıqlığı Vanqanın verdiyi xəbərlə izah edir. Guya ABŞ-ın sonuncu prezidenti Barak Obama olacaq.
Vanqa Suriyada müsəlman müharibəsini, İŞİD terrorçuları ilə bağlı əvvəlcədən xəbər vermişdi.
Eyni zamanda 1989-cu ildə ABŞ-da 11 sentyabr faciəsinin olacağını da bildirmişdi.
1942-ci ildə Balkanların Nostradamusu Bolqarıstanın sosialist dövlət olacağını, Kral Borisə isə tezliklə öləcəyini bildirmişdi. 1943-cü ilin 28 avqust tarixində Kral vəfat etdi. 1944-cü ildə isə Bolqarıstan komunist rejimli dövlətə çevrildi.
Vanqa eyni zamanda Sovet İttifaqının dağılacağını, şahzadə Diananın da qəzada öləcəyini əvvəlcədən xəbər vermişdi.
Maraqlıdır ki, Vanqa 2016-cı ildə Avropada əhalinin sürətlə azalacağını, 2018-ci ildə Çinin super gücə çevriləcəyini xəbər verib.
Necə deyərlər, yaşayarıq, görərik.
Hikmət
Ölkə.Az