Özəl Ordu Umut Hospitalında "Ortopediya və Plastik Cərrahiyyə" mövzularında seminar keçirilib
Türkiyənin Ordu şəhərində yerləşən Umut Hospitalı bu il fəaliyyətinin onuncu ilini qeyd edir. Bu illər ərzində Hospital daha güclü heyətə sahib olmaqla yanaşı, müasir tibbi texnologiya ilə təchiz olunaraq öz sağlıq xidmətlərini təqdim etməyi bacardı.
12.11.2016 tarixində Bakı şəhərində Caspian Events şirkətinin təşkilatçılığı ilə Özəl Ordu Umut Hospitalının həkim-mütəxəssisləri tərəfindən "Ortopediya və Plastik Cərrahiyyə" mövzularında tibbi seminar keçirildi.
Seminar Umut Hospitalı Beynəlxalq Əlaqələr şöbəsinin sədri Sezai Keskin-in açılış nitqindən sonra “Caspian Group” MMC və “Umut Hospital”-ı arasında tərəfdaşlıq müqaviləsi imzalandı.
İlkin olaraq Ortopediya və Travmatologiya üzrə həkim-mütəxəssis Dr. Mehmet Onur Sarıhan Skolyoz xəstəliyi mövzusunda çıxış etdi. Seminarın ikinci hissəsi Plastik və Estetik Cərrah, həkim-mütəxəssis Dr. Bülent Kement-in plastik cərrahiyyə mövzulu çıxışı ilə davam etdi.
