Putin və Trampın telefon danışığı Brüsseldə çaxnaşmaya səbəb olub

Rusiya prezidenti Vladimir Putinlə ABŞ-ın yeni seçilmiş prezidenti Donald Tramp arasında olan telefon danışığı rus-amerikan münasibətlərində yeni dövrün başlandığından xəbər verir.

Ölkə.Az xəbər verir ki, məlum telefon danışığı Aİ liderləri arasında çaxnaşmaya səbəb olub.

Tramp rəqib dövlətlərin konstruktiv əməkdaşlığa doğru addım atmasına şəxsən nəzarət edəcəyini bildirib. Söhbət əsnasında Donald Rusiya lideri ilə beynəlxalq məsələlər mövzusunda daha sıx əməkdaşlıq edəcəyinə söz verib. Bununla da rəsmi Vaşinqton və Moskva arasında buzların əriməsinin işartıları sezilməyə başlayıb.

Bu telefon danışığı Qərb mətbuatı tərəfindən isti və barışdırıcı xarakterdə qiymətləndirilib və Rusiyanın beynəlxalq arenada aparıcı mövqeyini təsdiqlədiyi vurğulanıb.

Rəsmi Brüssel isə yeni ABŞ adminstrasiyası tərəfindən Avropa siyasətinin arxa plana keçiriləcəyindən narahatdır. Aİ liderləri yaxşı dərk edirlər ki, Moskva və Vaşinqton arasında münasibətlərin möhkəmlənməsi Rusiya əleyhdarları üçün yaxşı şey vəd etmir.

Hikmət
Ölkə.Az