Angela Merkel 4-cü dəfə namizəd olacaq?
Almaniyanın millət vəkili Norbert Röttgen bildirib ki, 2017-ci ildə Angela Merkel namizədliyini irəli sürəcək.
Ölkə.Az xəbər verir ki, Almaniyada 2017-ci ildə keçiriləcək baş nazir seçkilərində Merkel 4-cü dəfə namizəd olaraq rekorda imza atacaq.
Röttgen Merkeli Qərb siyasətinin əsas fiqurlarından biri olduğunu söyləyib və 62 yaşlı kanslerin yenidən namizəd olacağını, məsuliyyətli lider kimi davranacağını qeyd edib.
Merkelin yenidən namizədliyini irəli sürəcəyini ötən günlərdə təcrübəli siyasətçi Volfqanq Bosbax da bildirmişdi.
2005-ci ildən baş nazir kürsüsündə əyləşən Angela Merkel əgər 4-cü dəfə etimad qazanıb kabineti qursa, Almaniyanın ən uzun ömürlü baş nazir rekordunu yeniləyəcək. Qeyd edək ki, 1982-1998-ci illər arasında Helmut Kol ölkədə baş nazir vəzifəsini icra edib.
Hikmət
Ölkə.Az
