İsrail Türkiyəyə yeni səfir təyin etdi

İsrail Eytan Nayehi Ankaraya səfir təyin edib.

Ölkə.Az xəbər verir ki, 6 ildir dondurulmuş İsrail-Türkiyə diplomatik münasibətlərində buzlar əriyir. İsrail münasibətləri normallaşdırmaq üçün ilk addımını atıb.

İsrailin Londonda fəaliyyət göstərən səfirinin katibi Nayeh Türkiyəni yaxından tanıyır. 1993-cü ildə Ankaradakı İsrail səfirliyində çalışan Eytan bir müddət təmsil etdiyi ölkənin Azərbaycanda da səfiri vəzifəsini icra edib.

Qeyd edək ki, İsrail ilə Türkiyə arasında münasibətlər 2010-cu ildə "Mavi Marmara" hadisəsindən sonra qopmuşdu.

Hikmət
Ölkə.Az