Yunanıstanda ABŞ və Obama əleyhinə kütləvi aksiyalar
Yunanıstanda Obamanın səfərinə etiraz edən kütlə ABŞ bayrağını yandırıb və iğtişaş törədib.
Ölkə.Az xəbər verir ki, Saloniki və Afinada keçirilən mitinqlər zamanı polis əməkdaşlarının üzərinə "Molotov kokteyli" atılıb. Polis aksiya iştirakçılarına qarşı gözyaşardıcı qazdan istifadə edib.
Afina küçələrində əllərində şüarlar və qırmızı bayraqlar daşıyan mitinq iştirakçılarının sayı 4 min nəfərdən çox olub.
Dinc yürüş sonradan iğtişaşa çevrilib. Nümayişçilər polis xüsusi təyinatlılarının kordonunun yarmağa çalışıblar. Polis əməkdaşları iğtişaşçıların qarşısını almaq üçün gözyaşardıcı qazdan istifadə edib. Bir müddət sonra nümayişçilər polisə daş və "Molotov kokteyli" atıb, dəyənəklərlə hücum ediblər.
Qarışıqlığın qarşısını almaq üçün polis yenə də gözyaşardıcı qaza əl atmaq məcburiyyətində qalıb.
Obama həftənin çərşənbə axşamı Yunanıstana ikigünlük səfər edib.
Hikmət
Ölkə.Az
