Türkiyə hərbçiləri Almaniyadan sığınacaq istədilər
NATO-nun hərbi bazasında xidmət edən bir neçə türk həbçisi Almaniya hökumətindən sığınacaq istəyib.
Ölkə.Az Almaniyanın SWR telekanalına istinadən xəbər verir ki, bu ölkənin Ramştayn şəhərində yerləşən NATO hərbi bazasında qulluq edən türk hərbçiləri yazılı müraciət edərək Almaniya federal hökumətindən siyasi sığınacaq istəyiblər.
Müraciətin səbəbini isə hərbçilər Türkiyədəki siyasi durum və 15 iyul hərbi çevrilişinə cəhddən sonra ordunun daxilində gedən təmizləmə ilə əlaqələndiriblər.
