ABŞ basketbol komandaları da Trampa qarşı çıxdı
Amerika Milli Basketbol Assosasiyasının 3 komandası Trampın sahib olduğu otellərdə qalmamaq qərarına gəlib.
Ölkə.Az xəbər verir ki, MBA-nın "Milveyk baks", "Memfiz qrizles" və "Dallas maveriks" komandaları bundan sonra Trampın sahib olduğu otellərdə qalmamaq barədə qərar verdiklərini açıqlayıblar.
Donald Tramp ABŞ prezidenti seçildikdən sonra ABŞ-da başlayan etirazlara basketbolçular da qoşulub. Yuxarıda adı qeyd edilən komandalar seçkilərdə Hillari Klintonu dəstəkləyirdi.
Bundan başqa 7 basketbol komandası da otellərlə bağlanmış müqavilə başa çatdıqdan sonra yeni sözləşmə imzalamayacaqlarını bildirib.
Tramp prezident seçildikdən sonra əfsanəvi məşqçi (SanAntonio klubu) Qreqq Popoviç ürəyinin bulandığını, "Detroyt" klubunun baş meneceri və məşqçisi Stan van Qandi isə "irqçi bir adamı prezident seçməyimizə inana bilmirəm" demişdi.
Hikmət
Ölkə.Az
