Ded Xasanın varisi Rusiyaya gətirildi

Ded Xasanın potensial varisi kimi baxılan "Şakro molodoy" ləqəbli kriminal avtoritet Zaxari Kalaşov Rusiyaya ekstradisiya olunub.

Ölkə.az Rusiyanın NTV kanalına istinadən xəbər verir ki, "Şakro molodoy" adam oğurluğu, qanunsuz silah gəzdirmək, reket və digər cinayətlərdə təqsirli bilinərək İspaniyada həbs olunmuşdu.

Ded Xasanın öldürülməsindən sonra kriminal dairələrdə gəzən söz-söhbətlərdə onun yerini yalnız Zaxari Kalaşovun tuta biləcəyi deyilirdi.

Kriminal keçmişinə nəzər salındıqda Kalaşov hazırda Dedin yerini tuta biləcək ən layiqli namizəddir. Çünki Kalaşov keçmiş SSRİ-nin bütün kriminal dairələrində böyük nüfuza malikdir.

Xatırladırıq ki, Zaxati Kalaşovun İspaniyadan ekstradisiyasını Rusiya ilə bərabər Gürcüstan da istəmişdi, çünki Kalaşov Gürcüstanda da adam oğurluğu təşkil etdiyinə görə axtarışdadır. Ancaq İspaniya tərəfi Kalaşovu Rusiyaya vermək qərarına gəldi.

Ölkə.az