Məşhur narkobaron ABŞ-a ekstradisiya edildi

Argentina məşhur Kolumbiyalı narkobaronu ABŞ-a ekstradisiya etdi.

Ölkə.Az xəbər verir ki, Argentina hökuməti məşhur narkobaron Enri Xesus Lopes Londonyonu Amerikaya təhvil verib. Enri Xesus "Mənim qanım" ləqəbi ilə də məşhurdur.
Lopes Londonyo "Urabenyos" adlı Kolumbiya kartelinə rəhbərlik edir. 2012-ci ildə Argentina dövləti tərəfindən Buenos-Ayresdə saxlanılıb. Kolumbiyada o, narkotik maddə ticarəti və terrorçuluqda günahlandırır. Narkobaronun ekstradisiyasını ABŞ hökuməti də tələb etmişdi.

Verilən xəbərə görə, bu gün səhər saatlarında narkobaron helikopterlə beynəlxalq hava limanına, oradan da təyyarə ilə ABŞ-a aparılıb.

Londonyonun ekstradisiyası əməliyyatı son ana qədər gizli saxlanılıb. Narkobaron əməliyyatın başlamağına 30 dəqiqə qalmış ektstradisiyadan xəbər tutub.

Qeyd edək ki, "Urabenyos" kartelində 1.900 silahlı döyüşçü fəaliyyət göstərir. Kartel Kolumbiya və Panama sərhəddində kokain istehsalının böyük hissəsinə rəhbərlik edir.

Hikmət
Ölkə.Az