Kurtlar Vadisi Pusu serialı tarix oldu

Türk mətbuatının iddiasına görə Kurtlar vadisi pusu serialının yayım həyatı başa çatıb.

Ölkə.Az xəbər verir ki, Türkiyə televiziya tarixinin ən reytinqli və uzunmüddətli serialı sayılan Kurtlar Vadisi Pusu artıq yayımlanmayacaq.

Necati Şaşmaz, Defne Samyeli, Cahit Kayaoğlu, Erhan Ufak kimi məşhurların rol aldığı serial iki aydan çoxdur ki, yayımlanmır.

Ötən aylarda "Pana film" şirkəti haqda istintaq başlamışdı. İstintaqa səbəb isə hərbi çevrilişdən əvvəl şirkət tərəfindən patent institutuna "Kurtlar Vadisi Darbe" adı üçün müraciət olmuşdu.

Oktyabr ayında isə serialın "360 tv"-də yayımlanması barədə xəbər çıxmışdı. Amma yüksək xərc səbəbindən şirkətlə kanal arasında müqavilə imzalanmamışdı. Digər kanallar isə istintaqdan sonra şirkətlə əməkdaşlığa meyilli deyil. Bu səbəbdən "Kurtlar Vadisi Pusu" serialı bir də yayımlanmayacağı barədə mətbuata xəbər ötürülüb.

Xəbərin nə dərəcədə gerçək və yalan olduğunu zaman göstərəcək.

Hikmət
Ölkə.Az