Trampı Yaponiyanın baş naziri ilə görüşdə kim müşayiət etdi?

ABŞ-ın yeni seçilmiş prezidenti Donald Trampın ilk görüşü Yaponiyanın baş naziri Abe ilə keçirilib

Ölkə.Az xəbər verir ki, görüşdə Trampın qızı və kürəkəni də iştirak edib.

Yaponiyanın baş naziri Şinzo Abe görüşdən sonra "görüşün nəticəsinə görə, Trampın etibarlı bir lider olduğuna inandım. İki ölkə etibar olmasa münasibət qura bilməz" deyə açıqlama verib.

ABŞ-ın 45-ci prezidenti seçilən Donald vəzifəsinə yanvar ayında başlayacaq. Onun üz-üzə görüşdüyü ilk dövlət başçısı Şinzo Abe oldu.

Yaponiya baş naziri Peruda keçirilən Asiya-Sakit okean ticarət konfransında iştirak etmək üçün Perudan əvvəl Nyu-Yorka səfər edib və Trampla görüşüb.

Saat yarımlıq görüşdə Trampın qızı İvanka və kürəkəni Cared Kaşner də iştirak edib.

Görüşün mövzusu və İvanka ilə Kaşnerin iştirak səbəbi barədə məlumat verilməyib.

Hikmət
Ölkə.Az