Gürcüstanın yeni parlamentində 5 fraksiya yaradıldı
Gürcüstan parlamentinin deputatları yeni çağırışdan sonra 5 fraksiyanı qeydiyyata alıb.
Ölkə.Az xəbər verir ki, Gürcüstanda keçirilən parlament seçkilərində qələbə çalan "Gürcü arzusu" partiyası parlamentdə 115 deputatla təmsil edilir. Pariya 110 millət vəkilindən ibarət "Gürcü arzusu" fraksiyasını yaradıb. Bu frakisyaya Mamuka Mdinaradze rəhbərlik edəcək. 6 deputatdan ibarət "Gürcü arzusu-sənayeçilər" fraksiyasına müstəqil deputat Simon Nozadze rəhbərlik edəcək.
Müxalifət partiyası "Vahid ictimai hərəkat" da parlamentdə iki fraksiya ilə təmsil ediləcək. "Milli hərəkat" fraksiyasına Nika Meliya, "Gürcüstanın inkişafı naminə milli hərəkat" fraksiyasına isə Xoştariya rəhbərlik edəcək.
"Gürcüstan patriotları" fraksiyası isə "Patriotlar alyansı" partiyası tərəfindən təsis edilib. Bu fraksiyaya ölkənin keçmiş daxili işlər nazirinin müavini Arçil Talakvadze rəhbərlik edəcək.
Qeyd edək ki, bu gün Gürcüstan parlamenti yeni çağırışdan sonra ilk iclasını keçirib.
Hikmət
Ölkə.Az
