Ermənistanın ikinci əri

Görüşün nəticələri cüzi olub.

Azərbaycan və Ermənistan prezidentlərinin Paris görüşünün nəticələrini şərh edən fransız qəzeti "Le Mond" belə yazır.

Görüşdə iştirak edən fransız diplomatlardan birinin qəzetə verdiyi məlumata görə, ilk başdan elə gəlirdi ki, bu dəfə nəticə olacaq. "Biz gördük ki, İlham Əliyev və Sarkisyan görüşür, söhbət edirlər, bir-birinə "sən" deyə müraciət edirlər". Bundan əlavə, diplomatın sözlərinə görə, prezident Fransua Olland hətta müzakirə mövzusunu genişləndirmək istəyib ki, Əliyev və Sarkisyan tək Dağlıq Qarabağ mövzusu ətrafında qapanıb qalmasınlar.

"Biz yaxşı iş gördük",- deyə Fransa prezidentinin yaxınlarında biri bildirib. Amma qəzetin yazdığını görə, nəticə cüzidir. Əsas məsələ - Dağlıq Qarabağ münaqişəsi həllini tapmayıb. Tərəflər yalnız dialoqun 2015-ci ilin sentyabr ayında Nyu-Yorkda davam etdirilməsi barədə anlaşıblar.

Amma "Le Mond" yazır ki, Ollandın ətrafı görüşün nəticəsindən razıdır. Paris hesab edir ki, bu ölkələrdə, xüsusilə də Rusiyanın təsiri altında olan Ermənistanda öz mövqelərini ciddi şəkildə möhkəmləndirə bilib. Özü də, Avrasiya İttifaqına girməsinə baxmayaraq, İrəvan Avropa ilə yaxınlaşmaq üçün yaman suyulur.

Qəzet yazır ki, Fransa, əlbəttə, çeviklik göstərməli və İrəvanı Avropa Birliyi ilə Rusiya arasında seçim etməyə məcbur etməməlidir. "Biz tələyə düşmək və Vladimir Putini əsəbiləşdirmək istəmirik",- deyə diplomatlardan biri qəzetə bildirib. Həm də qəzet yazır ki, Paris bu yaxınlarda seçim edərək ya "Mistral" hərbi gəmisini Moskvaya verməlidir, ya da böyük cərimə sanksiyaları ödəməlidir.(Anspress)

Ölkə.Az