Türk generaldan erməni millət vəkilinə
“Bütün ölkələr “erməni soyqırımı” var desə də, soyqırımı olmadığı gerçəyini dəyişdirə bilməz”.
Bunu NATO Parlamentar Assambleyasının (PA) İstanbulda keçirilən 62-ci sessiyasında Türkiyə Silahlı Qüvvələri Baş Qərargahının rəisi, ordu generalı Hulusi Akar bildirib.
“Erməni soyqırımını bəzi ölkələrin qəbul etməsi heç nəyi dəyişmir. Qaliley dünyanın öz oxu ətrafında fırlandığını, bütün dünya isə əksini deyirdi. Ancaq bu heç vaxt dünyanın dönməsi gerçəyini dəyişmədi. Buna görə də bütün ölkələr “erməni soyqırımı” var desə də, soyqırımı olmadığı həqiqətini dəyişdirə bilməz”,-deyə general Hulusi Akar erməni millət vəkili Koruyn Nahapetyanın “soyqırımı” ilə bağlı sualına cavabında qeyd edib. (Qafqazinfo)
