Rusiya və Ukrayna qaz tədarükü üzrə razılığa gəldilər

Moskva və Kiyev qış dövründə Ukraynaya qaz tədarükünün bərpa edilməsi üçün baza şərtləri razılaşdırıblar.

Bunu Rusiyanın energetika naziri Aleksandr Novak deyib.

Onun sözlərinə görə, mövcud müqaviləyə əlavə olaraq "Naftaqaz" və "Qazprom"la sənədlər paketi hazırlanacaq: "Paketdə sutkalıq rejimdə tədarük həcmləri ilə bağlı texniki məqamlar və s. məsələlər əksini tapacaq".

Nazir əlavə edib ki, Avropa Komissiyası Rusiya-Ukrayna qaz mübahisəsinin nizamlanması üzrə Rusiyanın mövqeyi ilə tam razıdır.(Trend)

Ölkə.Az