Bu qolbaq həkimləri əvəz edəcək

Microsoft şirkəti "Band" adlı yeni ağıllı qolbağı təqdim edib

Ölkə.Az Calcalistə istinadən xəbər verir ki, dünən Microsoft şirkəti ilk ağıllı "Band" qolbağını təqdim edib.

Sözügedən qolbağa 10 sensor quraşdırılıb. Bu sensorlara ürək ritmini və havada olan rütubəti müəyyən edən, giroskop, GPS, işıqlandırma, dərinin temperaturunu, ultrabənövşəyi şüalanmanı bildirən və digərləri daxildir. Bu sensorların sayəsində insan orqanizmi ilə bağlı bütün statistik məlumatları öyrənmək mümkün olacaq.

Məsələn, hansı idman hərəkəti kalorilərin daha çox yandırılmasına təsir edir və ya yuxunuzun hansı hissəsi daha rahat olduğunu öyrənə biləcəksiniz. Bununla, insan öz orqanizminə müstəqil şəkildə nəzarət edə və lazimi tədbirləri vaxtında yerinə yetirə biləcək.

Sözügedən qolbaq Android və iOS platformaları ilə uyğundur. "Band" qolbaqlarını isə Microsoft Storedan 199,99 dollara əldə etmək mümkündür.

Rəşid Mustafazadə

Ölkə.Az