Putin: \"Saakaşvilinin qubernatorluğu odessalılar üçün təhqir idi\"

Rusiya prezidenti Vladimir Putin bəyan edib ki, Mixail Saakaşvilinin qubernatorluğu Odessalılar və bütün Ukrayna xalqı üçün təhqirdir.

Ölkə.Az xəbər verir ki, ölkə başçısı bu barədə Oliver Stounun "Ukrayna alov içində" filmində müsahibə verib: "Bu Odessalılara və bütün Ukrayna xalqına sadəcə bir tüpürcək və təhqirdir. Ona hətta ABŞ-a getməyə işçi vizası da vermədilər. Saakaşvilini işə düzəltməyə çalışdıqları universitetlər onu daimi işə götürmək istəmədilər. Amma Odessa qubernatoru vəzifəsini icra edə bilər. Ukraynada bu işi yerinə yetirəcək peşəkar, vicdanlı ukraynalı yoxdur?"

Qeyd edək ki, 7 noyabr tarixində Saakaşvili Odessa qubernatoru vəzifəsindən istefa vermək istədiyi barədə bəyanat vermişdi. Sonradan eks-qubernator yeni hərəkat yaratdığını elan edib.

Hikmət
Ölkə.Az