Bu ölkədə Facebook və Twitter bağlandı

Şimali Koreya hökuməti Facebook və Twitterə girişi bağlayıb

Ölkə.Az TASS agentliyinə istinadən xəbər verir ki, Şimali Koreya hökuməti dünyanın ən məşhur sosial şəbəkələri hesab olunan Facebook və Twitterə girişi bağlayıb.

Qərarın hansı səbəbdən qəbul edildiyi hələlik məlum deyil. Xatırladaq ki, əvvəllər diplomatik korpuslarda, beynəlxalq humanitar təşkilatlarda çalışan şəxslər hər iki sosial şəbəkədən rahatb şəkildə istifadə edə bilirdilər. Girişin nə vaxta qədər bağlı olacağı barədə heç bir informasiya verilməyib. Şimali Koreya vətəndaşları isə nəinki sosial şəbəkələrə, hətta internetə də daxil olmaqdan məhrum ediliblər. Əhali arasında interneti yerli milli kompyuter şəbəkəsi sayılan "Kvanmen" əvəz edir.

Qeyd edək ki, sentyabrın 8-də Şimali Koreya hökuməti xarici səfirliklər və konsulluq işçilərinə icazəsiz internetdən istifadə etməyi qadağan etmişdilər. Qadağaya həm də Wi-Fi və peyk rabitəsi düşüb. Bütün bu tədbirlərin ölkənin beynəlxalq səviyyədə təhlükəsizliyini təmin etmək məqsədilə aparıldığı bildirilir.

Rəşid Mustafazadə

Ölkə.Az