Qazaxıstan parlamenti Astana şəhərinin adının dəyişdirilməsini təklif etdi

Qazaxıstan parlamentində Astana şəhərinin adını Nazarbayevin şərəfinə dəyişdirmək barədə təklif irəli sürülüb

Ölkə.Az xəbər verir ki, parlament deputatları paytaxtın adını prezident Nursultan Nazarbayevin şərəfinə dəyişdirmək təklifi ilə çıxış ediblər.

"Təklif edirik ki, ölkə konstitusiyasında ilk prezident, millətin lideri Nursultan Abişeviç Nazarbayevin dövlət quruculuğunda böyük töhfəsini qeyd etməliyik. El bası (millətin lideri) adını paytaxt və ölkənin digər vacib obyektlərin adlandırılmasında istifadə etmək lazımdır", -deyə Qazaxıstanın 25 illik müstəqillik deklarasiyası layihəsində qeyd edilib.

Qeyd edək ki, bayram 16 dekabr tarixinə planlaşdırılıb.

2008-ci ildə deputatlar Astananın adını Nursultan kimi dəyişdirmək istəsələr də, Nazarbayev bu təşəbbüsü dəstəkləmədi.

Hikmət
Ölkə.Az